من بعد غياب
من بعد غياب عن الاحباب
بكتبلك يا حبيبتي جواب
باهديلك في سطوره سلام
من غير لا ملاماه ولا عتاب
من بعد غياب
انا قلبي يا حبيبتي اشتاقلك
وبنار الشوق انا بكتبلك
اشكيلك منك واقولك
ليه البعاد قساكي
ليه البعاد نساكي
قلبي اللي كان قدرك
وكان دايما حبيببك
يا حبيبتي اكتبيلي
انا جالي كلام
عيشني يا عمري في الاوهام
اللي تقولي ارجع تاني
اصل حرام
تقضي حياتك
وانت ف غربة مع الاغراب
واللي يقولي
حبيبتك باعت كل وعودك
وانت يا صاحبي فاكرها ملاك
قولت انا لازم اعرف منك
قومت مسكت القلم اكتبلك
انتي حقيقي يا عمري نسيتي
ولا دي غيرة من الحساد
وبعد دا كله انا بهديلك
وانا في الغربة يا عمري سلام
اوعي تكوني فاكره كلامي
دا يبقى عتاب
لا يا حياتي
معنى كلامي خوفي عليكي
وانا في الغربة وبعد غيااااااااب
ـــــــــــــــــــــــــــــــــــــــــــــــــــــــــــ
بنساكي
بنساكي ف كل لحظة
بنساكي بكل دمعة
بنساكي ف كل خطوة بتعاود للرجوع
بقول خلاص يا قلبي
الحب كله هان بدمعة من العيون
هنساكي وانسىَ عمري
هنساكي يا حبيبتي
بنظرة حب تانيه
هنساكي ف بحر ثانيه
بحبي لوحدة تانيه
هنساكي خلاص وابيع
وانسىَ زهر الربيع
وان جيتي طلبتي حبي
يبقىَ انتي تخسري
انا عمري معاكي عشته
والهجر بعيني شوفته
وقلت خلاص يا قلبي
هنبيع اللي باعوك
هنساكي دا شئ بيدي
زي انتي زمان م بعتي
ولغيري بتعشقي
ازاي عيزاني احبك او مني تقربي
بنساكي وياما هنسىَ
ولىَ فكراني لسه ممكن اصدقك
بنساكي كتير بقولها واتمنىَ توصلك
ــــــــــــــــــــــــــــــــــــــــــــــــــــــــــــــــــــــــــــــــ
هبيع
انا رغم الحب هبيع
هاهجره واسيبه يضيع
ولا عمري ف مره هسلم
واضعف وفي يوم انهار
انا ياما سامحته كتير
وسهرت اناجي عنيه
فكرته يا قلبي هيرجع
ويسامح قلبي واسامحه
لكن بالقسوة هجرني
وانا لازم اسيبه يا قلبي
يتعذب اكتر واكتر
وف بعدي يعيش يتالم
وكتير يسهر ويفكر
والحيرة تبان ف عنيه
وان نادىَ القلب وحن
اهجره واسيبه يموت
واقوله يا قلبي حرام
ترجع وتعيش ف دموع
انا ياما سهرت ليالي
اناجيه وانادي عليه
كان نفسي ف يوم يرجعلي
بالشوق والحب ماليه
لكن بالهجر اهو ضاع
واديني بالقسوه بضيع
انا رغم الحب هبيع
ــــــــــــــــــــــــــــــــــــــــــــــــــــــــــ
وانا ماشي
وانا ماشي ف طريقي لقيتها
اشواقي خدتني ليها
قربت ف لحظه منها
وايدي جات ف ايدها
حسيت ان الحياه
من غيرها متساويش
قربت تاني منها
وعنيه جات ف عينها
ودموعي اتكلمت
قالت كل اللي كان
ف قلبي من زمان وشوقي نحوها
ردت قالت حرام
م اسمعش دا الكلام الا ف الوقت دا
كان فين الشوق دا فين
واللهفة والحنين
ازاي كنت مداريه يا حبيبي ودنيتي
ـــــــــــــــــــــــــــــــــــــــــــــــــــــــــــــــــــــــــ
لسه بحبك
قبل ما تمشي تعالىَ اسمعني
لسه بحبك ليه تودعني
عمري م هنسىَ ان انا حبيتك
يا اللي ملكت الروح والقلب
عمر الحب ما كان شئ صعب
ليه يا حبيبي ف يوم تنساني
يا اللي سكنت ف كل كياني
لسه بحبك مش هنساك
مهما هتبعد انا فكراك
ليه يا حبيبي ف يوم تخدعني
ليه بالبعد حاولت تبعني
د انت حبيبي وكل حياتي
قبل م تمشي تعالىَ اسمعني
لسه بحبك ليه تودعني
اهجر .. ابعد
بس اوعدتي بانك راجع
راجع فاكر حب زمان
جي تاخدني من الحرمان
حرمان بعدك وقسوة قلبك
يا اللي هجرة وبعت الحب
وكمان عايش من غير قلب
تاني بقولها واعيدها كتير
لسه بحبك ومش هنساااااااك
ــــــــــــــــــــــــــــــــــــــــــــــــــــــــــ
اتحداكي
اتحداكي .. اتحداكي
قلبي هيقدر يوم ينساكي
هنسىَ حنيني وشوقي اليكي
اتحداكي .. اتحداكي
عمري م هندم يوم وارجعلك
عمري م اشوفك واجري عليكي
عمري م قولك جاي ونادم
م انا يا حبيبتي قلبي نساكي
اتحداكي .. اتحداكي
قلبي يا عمري خلاص اتغير
عمري م اعيش في الماضي متحير
هقدر اغير كل حياتي
هعيش مع غيرك واقسىَ عليكي
اتحداكي .. اتحداكي
زي م كنت معاكي بعيش
هبدأ افكر تاني ف غيرك
اخد منها كل حنانها
وتنسيني الشوق لعنيكي
اتحداكي .. اتحداكي
ــــــــــــــــــــــــــــــــــــــــــــــــــــــــــــــــ
اعتذار
اعتذار يا حبيبتي مني
سامحيني واقبليه
بايدي بعدت عنك
وعشت هناك وسبتك
تقاسي كتير لوحدك
لكن انا جاي نادم
واقدم اعتذار
على اي غلطه مني
او اي كلمة قاسيه
اتقالت غصب عني
وجرحتك وقتها
يا حبيبتي يا كل عمري
جاي اقدم اعتذار
اعتذار واضح صريح
يا اللي عشتي العمر كله
وقلبك انتي كان جريح
عاش مسلم للقدر
ولا عمره فكر ينتقم
من قلب خان كل الوعود
والنهاره يا عمري راجع
جاي يقدم اعتذار
ــــــــــــــــــــــــــــــــــــــــــــــــــــــــــــــــــــــــــــــــــــــــ
قبلت التحدي
من النهارده قبلت التحدي
وبكره تيجي لحد عندي
تقول سماح وانسىَ اللي راح
ونعيش سوىَ من غير جراح
تلاقي ردي خسرت التحدي
لو كنت تقدر ف يوم تفكر
م كنش قلبك بالغدر يقدر
انا قولتها من وقتها
ان انت راجع
والحلم منك مفقود وضايع
لكن يا قلبي انا ردي عندي
من النهارده قبلت التحدي
يا اللي انت دايماً معايا تخسر
اسهر وفكر وبكره ترجع
تقول خلاص حسرت التعدي
واقولها تاني وتالت ورابع
قبلت التحدي
ـــــــــــــــــــــــــــــــــــــــــــــــــــــــــــــــ
إزاي اصالحها
انا مش عارف ازاي اصالحها
انا مش عارف ازاي ارضيها
ان حبييت اداعبها بكلمه
بتغيرها وتزعل منها
وارجع اعيش في عذاب والام
بس قولولها دا يبقىَ حرام
نقضي حياتنا فراق وخصام
مش معقوله كلمه نقولها
ونفسرها بغير معناها
ليه يا حبيبتي نزعل اكتر م بنتصالح
عمر الحب م كان له معنىَ قاسي وجارح
قول انا كلمه
وكنت بقولها وانا مش قاصد تزعلي منها
لاء يا حبيبتي
كنت بقولها قصدي يا عمري ادعبك بها
قولت الكلمه وانا مش قاصد
اشوف ف عنيكي زعل وخصام
قومتي بعدتي روحتي وغبتي
وعش انا وحدي في الاوهام
انا يا حبيبتي عند م شوفتك
شوفت الدنيا احلوة تاني
ولقيت قلبي واخدني اليكي
واول كلمه هصالحك بيها
كلمة اسف حتى ان كنت انا مش غلطان
ايوة انا ااااااااااااااسف
حتى ان كنت انا مش غلطااااااااااان
سامحي يا روحي
وعيشي معايا
خلي القلب يعيش فرحان
يلا تعالي غني معايا
احلى اغاني للعشااااااااااق
غني معايا احلى اغاني للعشاق
ــــــــــــــــــــــــــــــــــــــــــــــــــــــــــــــــــــــ
أول رساله
اول رساله انا بكتبها
مش عارف يا قلبي اكملها
اكتب فيها ايه ووصصف بايه
احساسي بيها ويوصلها
اكتب يا قلبي بحبها
ومنايا اوصل قلبها
وتكون حبيبتي لوحدها
م انا قولتها وكتبتها
وبعت قلبي يروحلها
يوصفلها احساسي بيها ويقولها
بحبها .. بحبها
انا كل شوقي ونبضي في عروقي
بيحنوا ليها ويقولوا اكتب
اكتب جواب من غير عتاب
وحس بيها وتحس بيك
بلاش بخوفك تضيع وحبك ينتهي
ــــــــــــــــــــــــــــــــــــــــــــــــــــــــــــــــــــــــــــــ
هصرحه
هصرحه بمشاعري ليه
ووصف احساسي بيه
من اول مره شوفته
ودق قلبي ليه
انا شوفت الحب معاه
والروح والعين عشقاه
م خلاص اليوم هصرحه
واول م هشوفه هقوله
حبيت الحب فيك
يا ساحرني ومالك قلبي
دوبت الروح في هواك
يا ريت يا قلبي تهمس
لو حتى كلمه واحده
وتقول انك عشقته
من اول مره شوفته
م خلاص اليوم هصرحه
بكل شوقي ليه
ــــــــــــــــــــــــــــــــــــــــــــــــــــــــــــــــــــــــــ
نفسي اشوفها
نفسي اشوفها يا قلبي ثواني
نفسي اعيش افراحي من تاني
نفسي اسالها ايه غيرنا
ايه خلانا تتوه امانينا
ايه قسانا على بعضينا
ايه خلانا ننهي حياتنا
بعد م عيشنا بشوق وغرام
نفسي اشوفها
نفسي اسالها يا قلبي سؤال
نفسي اسالها ايه خلاها تروح م تجيش
ايه نساها يا قلبي معادي
بعد م كانت كدا وعداني
اني اشوفها يا قلبي يوماتي
لكن آه يا خساره يا قلبي
قدرة تقسى وتنسى معادي
قدرة تهجر ليه وتبيع
بس يا قلبي هقولها كتير
هي حبيبتي وقلبي حبيبها
وعمري ف يوم م اقدر انساها
هرجع تاني اقولها اكيد
نفسي اشوفها حتى ثواني
ــــــــــــــــــــــــــــــــــــــــــــــــــــــــــ
مش بإدينا
آآآآآآآه .. آآآآآآآآآآآآه
آه يا دنيا يا قاسيه وجرحه
يا اللي سرقتي مني الفرحه
اخدتي حبيبتي
وسيباني وحدي اعيش مع مين
آآآآآآآآآآآه .. آآآآآآآآآآآآآه
بعنيا شايفها رايحه لغيري
بس يا قلبي هتعمل ايه
مش بإدينا تكون سعادتنا
ولا بإدينا تكون نهايتنا
آآآآآآآآآآآآآآآآآه .. آآآآآآآآآآآآآآه
كل م اشوفها يا دنيا اتالم
انا م اقدرش يا قلبي اتكلم
بس دموعي ع الخدين
آآآآآآآآآآآه .. آآآآآآآآه
ليه يا زمان دايما كداب
ليه انا قلبي يعيش ف عذاب
بعد حبيبتي م راحت مني
قدام عيني وعين النااااااااس
ـــــــــــــــــــــــــــــــــــــــــــــــــــــــ
بعد م قولت ان انا حبيتك
راجع اقولك تاني يا ريت
بوحتي لقلبي بكل ماضيكي
وانا يا حبيبتي كنت هسامح
انا يا حبيبتي اقدر اقولك
قلبي ف لحظه يا عمري نساكي
ايوه نساكي م انا م اقدرش
أأمن قلب يقدر يضحك ع الاحباب
روحي وشوفي فين هتلاقي
قلب يحبك زي انا قلبي م كان بيحبك
انا راح افكر ازاي هقدر
انسى حنيني اللي ماليني
يا اللي عيونك اجمل حاجه شوفتها بعيوني
بسال قلبك وانا بتمنىَ تجوبي سؤالي
بتحبيني طيب ليه هونت وخونتيني
عيشي حياتك يلا لوحدك
وانا مش هنسى اي قسيه
عاشها القلب ف حبك انتي
يا اللي هواكي هجر ولوعه
فاكره ان انا مش هقدر انسى
لا يا حبيبتي هقدر انسى وهقدر اقسى
وبكره تشوفي انا ولا انتي
مين راح فينا ف لحظة هيخسر
مين هينام والتاني هيسهر
مين هيعيش والتاني هيندم
يمكن اندم ...........
لا يا حبيبتي
سعيد الشوادفي
عمري م هندم على انسانه
جات وقالتلي بحبك انت
وبعد الحب تكون كدابه
تعليقات
إرسال تعليق